Фән һәм мәгариф 7 ноябрь 2014 16:22

Россия Президенты география буенча ирекле тест үткәрергә тәкъдим итте

Путин РФ дә бердәм география стандарты эшләргә, аннары аның нигезендә яңа мәктәп дәреслекләре чылбыры булдырырга тәкъдим итте

Скопировать ссылку

(Казан, 7 ноябрь, «Татар-информ»). РФ Президенты Владимир Путин РФ дә бердәм география стандарты эшләргә, аннары аның нигезендә яңа мәктәп дәреслекләре чылбыры булдырырга тәкъдим итте, дип хәбәр итә ТАСС.

“Укытучыларның заманча дәреслекләрдән һәм материалны бирүдән канәгать булмавын беләм, ә иң мөһиме – эчтәлек буенча. География мәктәп программасында иң мавыктыргыч дәресләрнең берсе булырга тиеш”, - диде дәүләт башлыгы Рус география җәмгыяте съездында.

Шулай ук Путин география буенча ирекле тест үткәрергә тәкъдим итә. Ул географиядән белем дәрәҗәсен күтәрү мөмкинлеге бирүче идеяләр китерде. “Мисал өчен, сүз рус теленнән "Тоталь диктант"ның тиңдәше - “Бөтенроссия географик диктант”ны эшләтеп җибәрү турында бара”, - диде Президент. Аның фикеренчә, ирекле илкүләм тест узу формасы яңа юнәлешләр алырга тиеш.

География укытучылары һәм Рус география җәмгыятенең төбәк бүлекләре бу теманы хуплаячак, дип ышаныч баглады В.Путин.

Сәхифәләр

Россия Президенты география буенча ирекле тест үткәрергә тәкъдим итте