Рәсми Татарстан 1 ноябрь 2014 16:18

Россия Президенты авиаһәлакәттә вафат булган Total башлыгын Мактау ордены белән бүләкләде

Указ текстында бүләкләү “Россия-Франция икътисади һәм мәдәни элемтәләре үсешенә зур өлеш керткән өчен” тормышка ашырыла, диелә

Скопировать ссылку

(Казан, 1 ноябрь, “Татар-информ”). Бүген Россия Президенты Владимир Путин “Кристоф де Маржерины Мактау ордены белән бүләкләү турындагы” Указны имзалады, дип хәбәр итә Кремльнең матбугат хезмәте.

Указ текстында “Россия-Франция икътисади һәм мәдәни элемтәләре үсешенә зур өлеш керткән өчен” Франция Республикасы гражданины Кристоф де Маржерины – “Тоталь” концерны директорлары советы президенты һәм рәисен (үлеменнән соң) Мактау ордены белән бүләкләргә”, диелә.

Искәртеп узабыз, 21 нче октябрьгә каршы төндә Мәскәүнең “Внуково” аэропортында Falcon 50EX самолеты, очып китәм дигәндә, кардан чистарту машинасы белән бәрелешә. 4 кеше, шул исәптән Total нефть һәм газ концерны башлыгы Кристоф де Маржери һәлакәт корбаннары була.

Сәхифәләр

Россия Президенты авиаһәлакәттә вафат булган Total башлыгын Мактау ордены белән бүләкләде