Россия Пенсионерлар берлегенең Татарстандагы рәисе: Сайлауда катнашу - гражданлык бурычым
Скопировать ссылку
«Россия Пенсионерлар берлеге» иҗтимагый оешмасының Татарстандагы төбәк бүлеге идарәсе рәисе Любовь Мишина Казанның 18нче мәктәбендә урнашкан 56нчы сайлау участогында тавыш бирде. Бу хакта «Казанские ведомости» басмасы яза.
«Мин һәр сайлауда катнашам, чөнки бу - минем гражданлык бурычым. Бүген безнең илдә зур вакыйга — без Президентны сайлыйбыз», - дип ассызыклый ул.
- Бүген Россия Президентын сигезенче тапкыр сайлау башланды. РФ Үзәк сайлау комиссиясе дүрт кандидатны сайлауга уздырды: Владислав Даванков («Яңа кешеләр» партиясеннән), Леонид Слуцкий (ЛДПР), Николай Харитонов (КПРФ) һәм бүген гамәлдә булган Россия лидеры Владимир Путин (үз-үзен тәкъдим итүче).
- Барлыгы 3 млн га якын Татарстан кешесе сайлауга килеп, тавыш бирә ала. Сайлау участоклары иртәнге 8 дән кичке 20.00 гә кадәр ачык.