Спорт 7 август 2017 21:08

Россия Олимпия җыелмасы Канада хоккейчыларын отты

Исәпне "Ак Барс" һөҗүмчесе Станислав Галиев ачты.

Скопировать ссылку

(Казан, 7 август, "Татар-информ"). Россиянең Олимпия җыелмасы Сочида уза торган Sochi Hockey Open-2017 сезон алды хоккей турнирында Канада җыелмасын отты – 3:2.

Әлеге уенда исәпне беренче булып Россия хоккейчылары ачты – "Ак Барс" командасы һөҗүмчесе Станислав Галиев турнирда икенче алкасын кертте. Беренче период уртасына боз хуҗалары исәпне тагын да арттыра төште: "Салават Юлаев" уенчысы Артём Фёдоров уңышка иреште – 2:0.

Икенче периодта Канада хоккейчылары исәпне тигезләсә дә, Россия командасы алга чыгарга көч тапты. Өченче период азагына кадәр әлеге исәп үзгәрешсез калды.

9 августта Россия Олимпия җыелмасы турнирның финалында СКА командасы белән очраша.

Хоккей. Sochi Hockey Open-2017. Россия Олимпия җыелмасы – Канада – 3:2 (2:0, 1:2, 0:0).

1:0 Галиев (Капризов, 04:52)

2:0 Фёдоров (Григоренко, 10:13)

2:1 Норо (Эббет, Козун, 23:02)

2:2 Брюле (Рэйонд, Козун, 29:53, күплектә.)

3:2 Любимов (Фёдоров, Григоренко, 34:29, күплектә)

Капкачылар: Шестёркин – Пулен.

#Хоккей #Ак Барс

Сәхифәләр

Россия Олимпия җыелмасы Канада хоккейчыларын отты