Спорт 21 апрель 2017 17:23

Россия Олимпия җыелма командасы бүген Швейцария хоккейчылары белән көч сынаша

Ил җыелмасы составында "Ак Барс" һәм "Нефтехимик" командасы хоккейчылары да бар.

Скопировать ссылку

(Казан, 21 апрель, "Татар-информ", Фәрит Салихов). Бүген Россиянең Олимпия хоккей җыелма командасы Швейцариянең Фрибур шәһәрендә Еврочеллендж турниры кысаларында чираттагы уенын уздыра. Көндәше – Швейцария җыелма командасы. Әлеге көндәш белән ике уен каралган. Икенче матч иртәгә, 22 апрельдә, уза.

Россия җыелмасы составына "Ак Барс" командасыннан капкачы Эмиль Гарипов белән һөҗүмче Владимир Ткачев һәм "Нефтехимик" капкачысы Андрей Кареев та кергән.

"Рейтинг буенча, Швейцария командасы моңа кадәр без очрашкан Франция җыелмасыннан (Россия җыелмсы французларга беренче уенда овертаймда 0:1 исәбенә оттырды, икенче матчта 6:0 исәбе белән җиңде – ТИ) күпкә югарырак урнашкан. Шуңа да бүген күпкә җитдирәк көндәш көтә", – дип бүгенге көндәшкә бәя бирә команданың баш тренеры Олег Браташ Россия хоккей федерациясе матбугат хезмәте аша.

Бүгенег матч 21:15 сәгатьтә башлана. Уенны "Матч ТВ" телеканалы аша карап булачак.

#Россия хоккей җыелмасы #"Ак Барс"

Сәхифәләр

Россия Олимпия җыелма командасы бүген Швейцария хоккейчылары белән көч сынаша