Хәвеф-хәтәр 25 декабрь 2016 15:53

Россия очкычы Кара диңгездә һәлакәткә юлыкканда үлгән 10 кешенең җәсәде табылган

Һәлакәт булган урында исән калган кешеләр күзәтелми, дип белдергән Россия Оборона министрлыгы вәкиле Игорь Конашенков.

Скопировать ссылку

(Казан, 25 декабрь, «Татар-информ»). Россия Оборона министрлыгының Сүриягә юл алган Ту-154 очкычы һәлакәткә юлыкканда үлгән 10 кешенең мәете табылган. Бу хакта көч структураларына сылтама белән ТАСС хәбәр итә.

Һава судносы бортында 92 кеше булган. Һәлакәт булган тирәдә исән калучылар күзәтелми, дип белдергән Россия Оборона министрлыгы вәкиле Игорь Конашенков.

Искәртеп үтәбез: бүген иртән Сочидан Сүриягә юл алган “Ту-154” самолеты радарлардан югалган, ул Кара диңгезгә килеп төшкән булган. Оборона министрлыгы очкычында 85 пассажир һәм экипаждан 8 кеше булганлыгы билгеле. Сүриягә баручыларның күпчелеге Александров исемендәге хор коллективында катнашучылар булган. Шулай ук анда Беренче канал, НТВ һәм «Звезда» - барлыгы өч федераль канал журналистлары, доктор Лиза буларак танылган Елизавета Глинка да булган.

#Ту-154 #Елизавета Глинка

Сәхифәләр

Россия очкычы Кара диңгездә һәлакәткә юлыкканда үлгән 10 кешенең җәсәде табылган