Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия мөфтиләре Яңа ел каникулларында артыгын ашамаска киңәш итте
Россия мөселманнары Диния нәзарәтләре вәкилләре озакка сузылган Яңа ел каникулларында табын янында үз-үзеңне контрольдә тотарга чакырды. Бу хакта РИА Новости агентлыгы хәбәр итә.
«Каникул вакытында, әйтик, Яңа ел бәйрәмнәрендә кеше мөмкин кадәр күбрәк ашарга кызыга: чөнки эшкә барасы юк, бәйрәм дәвам итә, кунаклар килә, ә табыннар сый-нигъмәттән сыгылып тора. Мин артыгын ашамаска, ризык куллану процессын контрольдә тотарга киңәш итәм», - дип белдерде агентлыкка Төньяк Кавказ мөселманнары Координация үзәге рәисе Исмаил Бердиев.
Ул мөселманнарга ашау мәсьәләсенә сак карарга киңәш итте.
Казанның «Гаилә» мәчете имам-хатыйбы Рөстәм Хәйруллин искәрткәнчә, Мөхәммәд пәйгамбәр (с.г.в.с.) болай дигән: «Ашказаны өч өлешкә бүленә: аларның берсе – ризык, икенчесе – эчемлекләр, әйтик, чәй, өченчесе – һава өчен». «Шунлыктан Яңа ел каникулларында (бу вакытта бөтен кеше өйдә һәм табында ризык күп була) минем үтенечем мондый – артыгын ашамагыз», - диде ул.
Кызыклы яңалыкларны күзәтеп бару өчен Телеграм-каналга язылыгыз