Дин 10 июнь 2022 09:18

Россия Милли китапханәсе Ислам дине кабул ителүнең 1100 еллыгына күргәзмә әзерләгән

Скопировать ссылку

Россия Милли китапханәсе Идел буе Болгары халыклары тарафыннан Ислам дине кабул ителүнең 1100 еллыгына багышланган күргәзмә әзерләгән. Бу хакта Россия Милли китапханәсенең Милли әдәбият бүлеге мөдире Шушана Жабко, Касыйм шәһәрендә «Мөхлисә Буби исемендәге укулар» VI Бөтенроссия фәнни-гамәли конференциясендә чыгыш ясаганда әйтте, диелгән Россия Мөфтиләр шурасы хәбәрендә.

Ислам динен кабул итүгә 1100 ел тулуга багышланган күргәзмә кысаларында Идел буе Болгары һәм татар тарихы буенча сирәк китаплар коллекциясе тәкъдим ителә. Шушана Жабко тәкъдим ителәсе китапларның XIX гасыр азагы - XX гасыр башында басылганлыгын җиткерде.

«Бу - татар тарихы фәне формалаша торган вакыт, татар халкының фәнни тарихы булдырыла. Әлбәттә, татар халкы елъязмасына үз чорының иң зур тарихчылары да зур өлеш кертте: Шиһабетдин Мәрҗани, Хисаметдин Шәрәфетдин, Гайнетдин Әхмәров, Хөсәен Әмирханов һәм башкалар», - дип сөйләде китапханәнең Милли әдәбият бүлеге мөдире.

Сәхифәләр

Россия Милли китапханәсе Ислам дине кабул ителүнең 1100 еллыгына күргәзмә әзерләгән