Фән һәм мәгариф 13 декабрь 2022 12:39

Россия мәктәпләрендә бердәм тарих курсы барлыкка киләчәк

Скопировать ссылку

Россия Президенты Владимир Путин гомуми һәм илебез тарихын «Тарих» бердәм мәктәп курсына берләштерү мөмкинлеген өйрәнергә кушты.

Шулай итеп, төп һәм урта белем алучы мәктәп укучылары дәүләт тарихын гомуми контекстта өйрәнә башлаячак, диелә Россиянең тарихчылары һәм традицион диннәр вәкилләре белән очрашудан соң Путин йөкләмәсендә.

Мәсьәләне эшкәртү белән Россия Мәгариф министрлыгы, Тарихи агарту буенча ведомствоара комиссия, Россия тарихи җәмгыяте һәм РФ Дәүләт Советының «Мәгариф» юнәлеше буенча комиссиясе шөгыльләнәчәк.

Моннан тыш, Мәгариф министрлыгы, ведомствоара комиссия, төбәк хакимияте органнары һәм Мәдәният министрлыгы Россия тарихы контекстында туган якны өйрәнү тарихы фәнен интеграцияләү, туган як тарихын укытуга бердәм якын килү (туган якны өйрәнү музейларында тиешле дәресләр үткәрү мөмкинлеген күздә тотып) буенча тәкъдимнәр кертәчәк.

Сәхифәләр

Россия мәктәпләрендә бердәм тарих курсы барлыкка киләчәк