Дин 7 июнь 2020 15:22

Россия мөселманнарын Ураза гаете белән котлап чит илләрдән хатлар килү дәвам итә

Гадәттән тыш һәм Тулы вәкаләтле илчеләр үз телеграммаларында Россиянең мөселманнар өммәтенә тынычлык һәм иминлек тели.

Скопировать ссылку

(Казан, 7 июнь, «Татар-информ»). Россия Мөфтиләр шурасы һәм Россия мөселманнары Диния нәзарәте адресына чит илләрнең Россиядәге Гадәттән тыш һәм Тулы вәкаләтле илчеләреннән Ураза гаете уңаеннан котлаулар килү дәвам итә. Бу хакта Россия Мөфтиләр шурасының рәсми сайты хәбәр итә.

Мөфти шәех Равил Гайнетдин исеменә үз котлауларын Ливан Республикасы, Күвәйт Дәүләте, Төркия Республикасы, Тунис Республикасы, Сүрия Гарәп Республикасы, Оман Солтанаты, Иран Ислам Республикасы, Алжир Халык Демократик Республикасы, Әфганстан Ислам Республикасы, Бәхрәйн Корольлеге, Берләшкән Гарәп Әмирлекләре һ.б. дәүләтләрнең илчеләре юллаган.

Россия Мөфтиләр шурасы һәм РФ мөселманнары Диния нәзарәте Россия Федерациясе һәм ислам дөньясы арасындагы мөнәсәбәтләрне һәм элемтәләрне үстерү һәм тирәнәйтүгә үз өлешен кертүен дәвам итә.

Чит ил партнерлары белән хезмәттәшлек турында меморандумнар һәм килешүләр имзаланган. Алар катнашында күп кенә халыкара проектлар («Рухи Ефәк юлы» интеграция мәйданчыгы, Халыкара мөселманнар форумы чаралары, «Россиядә ислам традицияләре» фотокүргәзмәләре, Халыкара Коръән укучылар бәйгесе, «Made in Russia. Halal» күргәзмәсе һ.б.) гамәлгә ашырыла.

#ураза #Рамазан

Сәхифәләр

Россия мөселманнарын Ураза гаете белән котлап чит илләрдән хатлар килү дәвам итә