Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия мөселманнары дини шурасының нәрсә белән шөгыльләнәчәге мәгълүм булды
Оешманың төп максаты — социаль мәсьәләләрне хәл итү.
(Казан, 24 декабрь, “Татар-информ”, Лилия Локманова). Россия мөселманнары дини шурасы нәрсә белән шөгыльләнәчәге һәм нинди максатлар куюы мәгълүм булды. Бу хакта бүген “Ярдәм” тернәкләндерү үзәгендә узган матбугат очрашуында Мәскәү, Россия үзәк төбәге һәм Чувашия Республикасы мөфтие, Россия мөселманнары дини шурасы җитәкчесе Әлбир Крганов бәян итте.
Билгеле булганча, декабрь башында Россия мөселманнары дини шурасы оешу хакында игълан ителде. Аны Әлбир Крганов җитәкләячәге хакында да хәбәр ителде. Әлеге шурага Мәскәү, Чувашия, Томск мәхәлләләре кергән. Әмма яңа мөфтиятнең оешуы дин оешмалары җитәкчеләре арасында каршылыклы фикерләр уятты. Әлегә кадәр яңа шураның нәрсә белән шөгыльләнәчәге дә тәгаенләнмәгән иде. Бүген Әлбир Крганов моңа ачыклык кертте.
Беренчедән, оешма үз каршында социаль яктан мөһим булган мәсьәләләрне чишүне максат итеп куя, дип аңлатты ул. Моңа дин әһелләренә социаль ярдәм күрсәтү дә керәчәк.
“Безнең һәр тармакның үз шифаханәләре, сәламәтләндерү үзәкләре бар. Әмма бер генә үзәкләштерелгән дини оешманың да мондый учреждениеләре юк. Россиядә дини лагерь үткәрү өчен даими урын барлыгы хакында ишеткәнегез бармы? Андый урын да юк. Өлкәннәр өчен дә дәвалану урыннары каралмаган”, - диде Әлбир Крганов.
Ул шулай ук белем бирү темасының да мөһим булуын билгеләп үтте. Мәскәүдә бу юнәлештә эш башланган. Дини шура Мәскәү дәүләт лингвистика университеты белән килешү төзегән.
Моннан тыш, Мәскәүдә яңа зур мәчет комплексы төзү мәсьәләсе дә шураның төп бурычларының берсе булуын билгеләп үтте шура җитәкчесе.
Кызыклы яңалыкларны күзәтеп бару өчен Телеграм-каналга язылыгыз