Җәмгыять 16 гыйнвар 2018 09:14

Россия мәгариф министры Пермьгә пычак белән балалар сугышкан урынга китте

Дмитрий Медведев кушуы буенча, бүген төнлә мәгариф министры Ольга Васильева Пермьгә очкан.

Скопировать ссылку

(Казан, 16 гыйнвар, “Татар-информ”). Россия Мәгариф һәм фән министры Ольга Васильева Пермьгә очты, дип хәбәр итә Интерфакс.

Кичә билгеле булганча, Пермьдә 127 нче мәктәптә балалар пычак белән сугышкан. Яшүсмер егетләр 4 нче сыйныфлар укыган бүлмәгә килеп кергән. Нәтиҗәдә 47 яшьлек укытучы да, сугышучыларны аеру өчен, бу җәнҗалга катнашырга мәҗбүр булган. 10-12 яшьлек балалар зыян күргән.

Россия Хөкүмәте башлыгы Дмитрий Медведев кушуы буенча, бүген төнлә мәгариф министры Ольга Васильева Пермьгә очкан.

Әлеге вакыйгада 15 кеше зыян күрде, шуларның 12се хастаханәдә ята, 3се психологик травма алган. Җинаять эше ачылган, гаепләнүчеләрне полиция хезмәткәрләре тоткарлаган, диелә хәбәрдә.

#Ольга Васильева #Пермь

Сәхифәләр

Россия мәгариф министры Пермьгә пычак белән балалар сугышкан урынга китте