Фән һәм мәгариф 13 октябрь 2016 17:32

Россия Мәгариф һәм фән министрлыгы 2017/18 уку елында вузларга кабул итү тәртибен раслады

Укырга кабул итү гамәлдәге кагыйдәләр буенча ике этапта узачак.

Скопировать ссылку

(Казан, 13 октябрь, «Татар-информ»). 2017/18 уку елында абитуриентларны вузларга укырга кабул итү тәртибе әллә ни үзгәреш кичермәячәк. Теләсә кайсы абитуриент элеккечә 5 вузга документ тапшыра һәм һәрберсендә әзерлек узу өчен 3 юллама сайлый ала. Бу хакта Россия Мәгариф һәм фән министрлыгы сайтында хәбәр ителә.

Укырга кергәндә олимпиадаларда җиңүчеләр аерым хокукларга ия була. Укырга керүчеләрнең шәхси казанышлары өчен 10 баллга кадәр өстәмә бәя алу мөмкинлеге саклана.

Укырга кабул итү гамәлдәге кагыйдәләр буенча ике этапта узачак - беренче этапта вузда бюджет урыннарының 80 проценты тулганчы, икенче этапта - калган урыннар буенча.

Укырга керү тәртипләре үзгәргән очракта, һәр вуз кабул итү кампаниясе турында бөтен мәгълүматны октябрь аенда үк игълан итәргә тиеш, бу абитуриентларга хәбәрдар булу өчен кирәк.

#вузларга кабул итү тәртибе

Сәхифәләр

Россия Мәгариф һәм фән министрлыгы 2017/18 уку елында вузларга кабул итү тәртибен раслады