Дин 21 апрель 2005 17:17

Россия Мөфтиләр шурасы рәисенең Россия католиклары башлыгы белән очрашуында сүз үзара аңлашуны арттыру һәм конфессияара элемтәләрне киңәйтү турында барган

Скопировать ссылку

(Казан, 21 апрель, «Татар-информ»). Мәскәүдән алынган хәбәрләргә караганда, кичә Россия Мөфтиләр шурасы рәисе шәех Равил хәзрәт Гайнетдин Россия католиклары башлыгы митрополит Тадеуш Кондрусевич белән очрашып сөйләшкән. Мөфти хәзрәтләре митрополитка Иоанн Павел Икенченең бакый дөньяга күчүен тәгъзия кылган һәм, Ватиканның яңа башлыгы сайлануы уңаеннан, католиклар белән мөселман дөньясы арасындагы үзара аңлашу һәм тынычлык рухындагы бәйләнешләрнең тагы да киңәюенә ышаныч белдергән.

Сөйләшүләр барышында сүз шулай ук бүгенге көннең мәгариф проблемалары һәм мәктәпләрдә диннәр тарихын укыту мәсьәләләре хакында, диннәр арасындагы хезмәттәшлекне үстерү һәм башка мөһим проблемалар турында да барган. Очрашу нәтиҗәләреннән һәр ике як та канәгать калган.

Сәхифәләр

Россия Мөфтиләр шурасы рәисенең Россия католиклары башлыгы белән очрашуында сүз үзара аңлашуны арттыру һәм конфессияара элемтәләрне киңәйтү турында барган