Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия һәм Финляндия мөселманнары футбол буенча иптәшләрчә матч үткәрде
Матч төгәлләнгәннән соң ике команданың да уенчылары «Туган тел»не башкарды.
(Казан, 14 октябрь, «Татар-информ»). Шимбә көнне, 12 октябрьдә, Россия һәм Финляндия мөселманнары футбол буенча иптәшләрчә матч үткәрде. Бу хакта Россия Мөфтиләр Шурасының рәсми сайты хәбәр итә.
Россия командасы составына мөфти Рушан хәзрәт Әббәсов җитәкчелегендәге Мәскәү өлкәсе мөселманнары Диния нәзарәте имамнары керде, Финляндия җыелма командасын Финляндия татарлары Мөселман җәмгыяте әгъзалары тәкъдим итте.
Футбол матчы Хельсинки янында урнашкан «Esport» спорт үзәгендә узды. Беренче таймда командалар төп состав белән уйнады, икенчесендә исә уенчылар белән алмашты. Бу ике команда арасындагы элемтәләрне тагын да ныгытты.
Шунысы да әһәмияткә ия: Россия һәм Финляндия командаларын дин генә түгел, милли бердәмлек тә берләштерә. Шунлыктан матч төгәлләнгәннән соң ике команданың да уенчылары татар халкының гимны булган «Туган тел»не башкарды.
Кызыклы яңалыкларны күзәтеп бару өчен Телеграм-каналга язылыгыз