Россия кубогында Татарстан көрәшчеләре беренчелекне яулады
Икенче урында Башкорстан көрәшчеләре, өченчедә - мәскәүлеләр.
(Казан, 26 декабрь, «Татар-информ», Энҗе Габдуллина). Казанда көрәш буенча узган Россия кубогында Татарстан көрәшчеләре җиңү яулады.
26 декабрь көнне Казанның «Ак Барс» көрәш сараенда көрәш буенча Россия кубогы җиңүчеләре билгеле булды. Биредә Татарстан, Башкорстан, Мәскәү көрәшчеләре «стенка на стенку» принцибы буенча ярыштылар.
Нәтиҗәләр буенча, Россия кубогына Татарстан көрәшчеләре лаек булды. Икенче урында — Башкортстан, өченчедә — Мәскәү көрәшчеләре.
Татарстан данын 60 кг үлчәү авырлыгында Алексей Абрамов, 65 кг да Габдеҗәлил Сөләйманов, 70 тә Айназ Тимиров, 75 тә Рафаэль Кәлимуллин, 80 дә Марат Кәримов, 85 тә Рәсим Шириев, 90 да Нәфис Галиев, 100 дә Ринат Хәйретдинов һәм 100 дән югары үлчәү авырлыгында Рамил Айзатуллов яклады.