Фән һәм мәгариф 24 май 2017 07:18

Россия Иҗтимагый палатасы БДИ буенча итернет-кабул итүне эшләтеп җибәрә

Рособрнадзор, Педагогик үлчәмнәр федераль институты, Мәскәүнең мәгариф департаменты сорауларга җавап бирщ алырдай экспертлар белән тәэмин итәчәк.

Скопировать ссылку

(Казан, 24 май, «Татар-информ»). Россия Иҗтимагый палатасы бердәм дәүләт имтиханы буенча интернет-кабул итүне эшләтеп җибәрә. Барлык төп сорауларны хәл итәргә Рособрнадзор, Педагогик үлчәмнәр федераль институты, Мәскәүнең мәгариф департаменты белгечләре булышачак, дип хәбәр итә Россия Иҗтимагый палатасы.

Россия Иҗтимагый палатасы, аерым алганда, Фән һәм мәгариф үсеше буенча комиссия гражданнар мөрәҗәгатьләрен 2009 елдан башлап кабул итә. Быел да комиссия үз сорауларына җавап табарга теләүчеләргә булышуны дәвам итәчәк.

"Россия Иҗтимагы палатасы комиссиясе БДИ уздыру процедураларын күзәтү буенча эшчәнлеген дәвам иттерә. БДИ-2017 үткәрелү көннәрендә -26 майдан 19 июньгә кадәр - Россия Иҗтимагый палатасында гражданнар мөрәҗәгатьләрен алу буенча интернет-кабул итү эшлиячәк", - ди Россия иҗтимагый палатасының Фән һәм мәгариф үсеше буенча комиссия рәисе Александр Русаков.

2016 елда Иҗтимагый палатаның кайнар линиясенә шалтырату мөмкинлегеннән 1,5 мең россияле файдаланган.

#БДИ

Сәхифәләр

Россия Иҗтимагый палатасы БДИ буенча итернет-кабул итүне эшләтеп җибәрә