Спорт 22 апрель 2017 09:12

Россия хоккейчылары Швейцария җыелмасына оттырды

Илнең Олимпия җыелмасы составында "Ак Барс" командасы һөҗүмчесе Владимир Ткачев та бар иде.

Скопировать ссылку

(Казан, 22 апрель, "Татар-информ", Фәрит Салихов). Россиянең Олимпия хоккей җыелмасы Еврочеллендж турнирының чираттагы матчында Швейцария хоккейчыларына оттырды. Исәп – 1:2. Илнең Олимпия җыелмасы составында "Ак Барс" командасы һөҗүмчесе Владимир Ткачев та бар иде.

Исәпне беренче булып Россия хоккейчылары ачты – "Авангард" командасы һөҗүмчесе Антон Бурдасов күплектә уйнаудан оста файдаланды. Шунысын да әйтергә кирәк: әлеге матчта барлык алкалар да командаларның тигез составта булмаган вакытында кертелде. Швейцария хоккейчыларының икенче һәм өченче периодта керткән берәр алкасы боз хуҗаларына җиңү китерде.

Көндәшләр бүген икенче тапкыр очраша. Матч 18:45 сәгатьтә башлана.

Хоккей. Еврочеллендж. Швейцария – Россия Олимпия җыелмасы – 1:2 (0:1, 1:0, 1:0).

0:1 Бурдасов (Светлаков, 05:26, күплектә)

1:1 Праплан (Холленштайн, 33:50, күплектә)

2:1 Праплан (Роми, Холленштайн, 54:12, күплектә).

Капкачылар: Флюэлер – Сорокин.

#Россия хоккейчылары

Сәхифәләр

Россия хоккейчылары Швейцария җыелмасына оттырды