Спорт 28 апрель 2017 07:16

Россия хоккейчылары Швеция җыелма командасына оттырды

"Ак Барс" командасы һөҗүмчесе Владимир Ткачевның голга китергән 3 нәтиҗәле пасы да ил җыелмасын җиңелүдән коткарып кала алмады.

Скопировать ссылку

(Казан, 28 апрель, "Татар-информ"). Россия хоккей җыелма командасы Европа хоккей турының соңгы этабы – Чехия хоккей уеннарында беренче матчын уздырды. Олег Знарок шәкертләре Швеция җыелмасына каршы кичектерелгән уенны Стокгольмда "Ховет" аренада уздырды һәм оттырды – 3:4.

Россия командасы капкасын Андрей Василевский саклады, ә капитан вазифасын Сергей Мозякин башкарды. Россия хоккейчылары ике тапкыр 2 алка аермасы белән алда барса да, хуҗалар исәпне тигезли алды һәм "өчкә өч" форматында узган овертайм төгәлләнер алдыннан гына җиңү китергән алка кертә алды.

Шунысын да әйтергә кирәк: Россия җыелмасы составында уйнаган "Ак Барс" һөҗүмчесе Владимир Ткачев әлеге матчта голга китергән 3 нәтиҗәле пас бирде.

Россия хоккейчылары 29 апрельдә – Финляндия, 30 апрельдә Чехия җыелма командалары белән очраша.

Еврохоккейтур. Чехия уеннары. Швеция - Россия - 4:3 ОТ (0:2; 1:1; 2:0; 1:0).

0:1 Мозякин (Ткачев) 07:12

0:2 Антипин (Ткачев, Мозякин) 17:33

1:2 Линдхольм (Розен, Умарк) 26:45

1:3 Мозякин (Ткачев) 30:17

2:3 Клингберг Д. (Ландесгук) 43:10

3:3 Раск (Строльман) 50:26

4:3 Ландескуг (Клингберг Д.) 64:08 ОТ.

#Россия хоккейчылары

Сәхифәләр

Россия хоккейчылары Швеция җыелма командасына оттырды