Россия хоккейчылары Олимпиадада, икенче «коры» уеннарын үткәреп, җиңде

Уен исәбе — 2:0.

Скопировать ссылку

(Казан, 11 февраль, «Татар-информ», Гөлия Хәсбиуллина). Бүген Россиянең хоккей буенча җыелма командасы Олимпиададагы икенче уенында җиңде.

Дания җыелма командасына каршы уен Россия файдасына 2:0 исәбенә төгәлләнде. Хәзер командалар чирекфиналга чыгу өчен көрәшә. Россия исәбендә ике җиңү, беренче уенда безнең хоккейчылар Швейцария командасын 1:0 исәбенә җиңде.

Беренче периодта голлар булмады. Уенның әлеге өлешендә Россия командасы хоккейчысы, Бөгелмә егете Артур Каюмов җәрәхәтләнде.

Икенче период. Тугызынчы минутта Павел Карнаухов исәпне ачты (0:1).

Өченче периодның соңгы минутларында Дания командасы капкачысын алтынчы мәйдан уенчысына алмаштырды, шул вакытта Кирилл Семёнов алканы буш капкага кертте (0:2). Россия капкасы «коры» калды.

Россия җыелма командасы составы:

Федотов (Билалов);
Гусев — Шипачёв — Григоренко, Никишин — Нестеров;
Галиев — Семёнов — Грицюк, Яковлев — Елесин;
Слепышев — Карнаухов — Воронков, Телегин — Войнов;
Ткачев — Андронов — Чибисов (Каюмов), Шәрипҗанов.

Иртәгә Россиянең ике җыелма командасы да уйнаячак. Хатын-кызлар чирекфиналда Швейцария белән көч сынашачак, уен 7:10 сәгатьтә башлана. Ирләр командасы 16:10да Чехиягә каршы көрәшәчәк.

#хоккей

Сәхифәләр

Россия хоккейчылары Олимпиадада, икенче «коры» уеннарын үткәреп, җиңде