Россия хатын-кызлар җыелмасы Казанда пляж гандболы буенча чемпионатта җиденче булды
Матчта россиялеләр 2:0 исәбе белән Парагвай командасын җиңде.
(Казан, 29 июль, “Татар-информ”, Алексей Анисимов). Россия хатын-кызлар җыелмасы Казанда пляж гандболы буенча дөнья чемпионатында Парагвай командасын җиңеп, матчта җиденче урынны яулады.
Россия командасы турнирның төркем этабын һәм төп раундны уңышлы узды, әмма чирек финалда буллит сериясендә Греция җыелмасына оттырды. Моннан соң бишенче урын өчен көрәш мөмкин иде. Ул исә АКШта 2019 елда олимпия төрләре булмаган Бөтендөнья уеннарында катнашу мөмкинлеген бирә иде. Әмма Виталий Волынченко уенчылары Дания командасын алга уздырды.
Турнирның йомгаклау көнендә Россия хатын-кызлар җыелмасы җиденче урын өчен Парагвай командасын җиңде - беренче периодта исәп 20:9, икенчедә хуҗалар исәбенә биш очкода өстенлек булды.
Россия дөнья чемпионатында җиденче урынны яулады. Казанда планета беренчелегенә барган ярышта, Россия территориясендә, тарихта беренче уңыш бу.