Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Россия һәм Татарстанның атказанган артисты Наилә Фатеховага «Әл Фәхр» ордены тапшырылды
Россия Мөфтиләр шурасы һәм РФ мөселманнары Диния нәзарәте рәисе урынбасары Рушан Әббәсов Россия Федерациясе һәм Татарстан Республикасының атказанган артисты Наилә Фатеховага Россия мөселманнарының югары бүләген - «Әл Фәхр» мактау орденын тапшырды. Бу хакта Россия Мөфтиләр шурасының матбугат хезмәте хәбәр итә.
«Рухи мөселман культурасы мәдәни мирасын саклауга, яшь буынны тәрбияләү традицияләрен үстерүгә сизелерлек өлеш керткәне, хәйрия программаларында актив катнашканы өчен, шулай ук 60 яшьлек юбилее уңаеннан бүләкләнә», - диелә мөфти шәех Равил Гайнетдин имзалаган Указ текстында.
РФ мөселманнары Диния нәзарәтенең мәдәният департаменты җитәкчесе Ренат Абянов билгеләп үткәнчә, әгәр татар дини җырларын башкаручылар антологиясе төзелсә, Наилә ханым анда һичшиксез лаеклы урын алачак.
Медаль тапшыру тантанасы Мәскәүнең Татар мәдәнияте үзәгендә Наилә Фатехованың юбилее уңаеннан оештырылган ифтар кысаларында узды.
Кызыклы яңалыкларны күзәтеп бару өчен Телеграм-каналга язылыгыз