Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Россия һәм АКШ сөйләшүләрен Украинадагы конфликтны җайга салу элементы дип атадылар
Берләшкән милләтләр оешмасы (БМО) әгъзаларының кайберләре Россия һәм АКШ арасындагы югары дәрәҗәдәге диалогка Украинадагы конфликтны җайга салуда мөһим элемент буларак карый. Бу хакта БМОның Куркынычсызлык советындагы дипломатик чыганак белдергән. Аның сүзләрен ТАСС китерә.
Куркынычсызлык советында каршылыкның сәбәпләре глобаль иминлек мәсьәләләрен дә кертеп, тирәнрәк проблемалар белән бәйле, дип таныйлар. Конфликтны тәмамлау өчен хәрби хәрәкәтләрне туктатырга гына түгел, ә аның беренче сәбәпләрен дә бетерергә кирәк, дип ассызыклады дипломат,.
Чыганак билгеләп үткәнчә, Мәскәү һәм Вашингтон арасындагы уңышлы сөйләшүләр Украинадагы вазгыятне тыныч юл белән җайга салуны якынайтырга гына түгел, ә дипломатия һәм үзара аңлашу ярдәмендә башка халыкара кризисларны хәл итү өчен үрнәк булдырырга мөмкин.
Элегрәк АКШ Президенты Дональд Трамп аның Россия Президенты Владимир Путин белән очрашуы 15 августта Аляскада булачагын белдергән иде.
Кызыклы яңалыкларны күзәтеп бару өчен Телеграм-каналга язылыгыз