Җәмгыять 2 май 2017 09:33

Россия халкының 64 проценты 2018 елда Путинның Президент итеп яңадан сайлануын тели

Әгәр дә алдагы якшәмбедә сайлаулар үтсә, Путин тавышларның 48 процентын алган булыр иде.

Скопировать ссылку

(Казан, 2 май, “Татар-информ”). Россия халкының 64 проценты 2018 елда Владимир Путинның Россия Президенты итеп яңадан сайлануын тели, 22 проценты исә президентны алыштыру ягында. Бу хакта “Левада-үзәк” сораштырулары мәгълүматлары дәлилли.

Сораштыруда катнашучыларның 14 проценты бу сорауга төгәл җавап бирергә кыенсынган. Әгәр дә алдагы якшәмбедә сайлаулар үтсә, Путин тавышларның 48 процентын алган булыр иде, дип яза “Коммерсант”.

КПРФ һәм ЛДПР партияләре башлыклары Геннадий Зюганов һәм Владимир Жириновский исә 3әр процент тавыш җыйган булыр иде. Россия халкының 19 проценты әлегә кемгә тавыш бирәселәрен ачыкламаган. Тагын 10 проценты сайлауга бару-бармауларын да хәл итмәгән, 13 процентының бармаячакларында шикләре юк.

Сораштыру 31 марттан 3 апрельгә кадәр 18 һәм аннан өлкәнрәкләр арасында 48 Россиянең төбәгендәге 137 торак пунктта үткәрелгән, анда 1,6 мең кеше катнашкан.

#Владимир Путин #сораштыру

Сәхифәләр

Россия халкының 64 проценты 2018 елда Путинның Президент итеп яңадан сайлануын тели