Россия халкына җәмәгать урыннарында йөрми торырга киңәш итәләр
Коронавирус таралуга каршы көрәш буенча оператив штаб битлек кияргә һәм антисептик кулланырга кирәлеген искәртә.
Скопировать ссылку
(Казан, 14 октябрь, «Татар-информ»). Коронавирус таралуга каршы көрәш буенча оператив штаб җәмәгать урыннарында йөрүне киметергә, битлек кияргә һәм антисептик кулланырга киңәш итә. Бу турыда РИА Новости хәбәр итә.
«Штаб сәламәтлеккә сакчыл карарга, җәмәгать урыннарына йөрүне киметергә, шәхси саклану чараларын һәм антисептик кулланырга, хәл начарланган очракта өйдә калырга һәм медицина ярдәме сорап мөрәҗәгать итәргә кирәклеген искәртә», — диделәр журналистларга оператив штабта.