Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Хөкүмәте минималь хезмәт хакын арттыру турында закон проектын хуплады
2020 елның 1 гыйнварыннан минималь хезмәт хакы 7,5 процентка артачак.
(Казан, 20 сентябрь, «Татар-информ»). Россия Хөкүмәтенең чираттагы утырышында РФ Хезмәт һәм социаль яклау министрлыгының минималь хезмәт хакы күләмен арттыру турындагы закон проекты хупланды. Бу хакта федераль министрлыкның рәсми сайтында хәбәр ителә.
«Закон проектында 2020 елның 1 гыйнварыннан минималь хезмәт хакы күләмен аена 12 130 сум итеп билгеләргә тәкъдим ителә, бу агымдагы минималь хезмәт хакыннан 7,5 процентка артыграк», — диелә утырыш материалларында.
Реформа илдә яшәүче 3,2 млн кешегә кагылачак, шул ук вакытта гражданнарның яртысы дәүләт һәм муниципаль учреждениеләрендә эшли.
Федераль ведомство мәгълүматлары буенча, Россия Федерациясе бюджет системасы бюджетларының гомуми чыгымнары 20,9 млрд сум тәшкил итәчәк. Шуның 5,8 млрд сумы — федераль бюджеттан, 15,1 млрд сумы — төбәк бюджетларыннан.
- Август аенда РФ министрлыгы Хөкүмәткә 2020 елдан минималь хезмәт хакы күләмен 12 130 сум итеп билгеләү турында закон проектын керткән иде.
Кызыклы яңалыкларны күзәтеп бару өчен Телеграм-каналга язылыгыз