Икътисад 21 сентябрь 2016 12:13

Россия Хөкүмәте коры алкоголь җитештерүне тыю турындагы закон проектын хуплады

Коры алкоголь (яки порошоксыман алкоголь) дип инкапсулланган алкоголь порошогы атала. Су белән кушкач ул спиртлы эчемлеккә әйләнә.

Скопировать ссылку

(Казан, 21 сентябрь, «Татар-информ»). Россия Хөкүмәте коры алкоголь җитештерүне һәм аның әйләнешен тыюны хуплады дип хәбәр ителә Россия Хөкүмәте сайтында.

Мәскәү өлкәсе Думасы коры алкоголь җитештерүне һәм аның әйләнешен тыю турында закон проектын кертте. Хөкүмәт закон проектын хуплаган, әмма аңа карата кайбер искәрмәләр булуын билгеләп үткән.

Әйтик, Хөкүмәт закон проектында коры алкоголь җитештерү һәм әйләнеше өчен җаваплылык булмавын белдергән.

«Россия Федерациясе хәзер күрсәтелгән продукция әйләнешен тыю актуаль булып тора, кагыйдә буларак, ул Россия Федерациясеннән читтә җитештерелә", - дип белдерелгән хәбәрдә.

Узган елның декабрендә Премьер-министр Дмитрий Медведев "алкоголь продукциясенең яңа формалары" таралуга каршы көрәш турында әйткән. Агымдагы елның мартында Россия Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт 2017 елдан аны сатуны тыярга тәкъдим иткән.

#Россия Хөкүмәте #коры алкаголь

Сәхифәләр

Россия Хөкүмәте коры алкоголь җитештерүне тыю турындагы закон проектын хуплады