Җәмгыять 21 август 2019 13:18

Россия Гидрометеорология үзәге сентябрьдә җылы һава торышы фаразлый

Ил территориясенең күпчелек өлешендә уртача һава температурасы нормадан югарырак булачак.

Скопировать ссылку

(Казан, 21 август, «Татар-информ»). Россия Гидрометеоүзәгенең якынча фаразына караганда, Россиянең Европа һәм Азия өлешендә сентябрьдә уртача һава температурасы нормадан югарырак булачак. Бу хакта «Российская газета» яза.

Көзнең беренче ае Мәскәүдә, Уралда, Себердә, Якутиядә, Чукоткада, Камчаткада һәм Забайкальеда җылырак булачак. Алтайда уртача һава температурасы нормадан түбәнрәк булыр дип көтелә, дип билгеләп үтә басма.

Моннан тыш, «Илнең Европа территориясе көньягының күпчелек өлешендә явым-төшем күп еллык уртача күрсәткечтән кимрәк булыр дип фаразлана», - дип сөйләде синоптиклар.

#җылы #әбиләр чуагы

Сәхифәләр

Россия Гидрометеорология үзәге сентябрьдә җылы һава торышы фаразлый