Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Герое Рәсим Баксиков хөрмәтенә туган ягында мактау тактасы ачылды
Алексеевск районы Биләр авылында Россия Герое Рәсим Баксиков хөрмәтенә мактау тактасы ачылды. Аны булачак хәрби йөргән «Юнармеец» яшүсмерләр клубы бинасында урнаштырганнар.
Тантаналы ачылышта Рәсим Баксиков үзе, Дәүләт Думасы депутаты Айдар Метшин һәм Алексеевск районы башлыгы Сергей Демидов катнашты. Тактаны ачу хокукы шулай ук Рәсим Баксиковның остазы, «Юнармеец» клубы директоры Андрей Чугуровка бирелде.
«Без героебызның истәлеген мәңгеләштерү турында озак уйладык һәм яшүсмерләр клубы бинасына истәлек тактасы урнаштырырга карар кылдык. Чөнки үзенең хәрби батырлык башлангычларын ул нәкъ менә монда алган. Рәсим Баксиков — Алексеевск районындагы беренче Россия Герое. Биредә яшүсмерләр клубына йөрүче балалар бар, герой тарихы сезнең барыгыз өчен дә тормыш юлында ориентир булыр дип өметләнәбез», — диде район башлыгы Сергей Демидов.
Рәсим Баксиков үзенең сәламләү сүзендә күрсәткән хөрмәтләре өчен барысына да рәхмәт белдерде. «Мин хәзер кичергән хисләрне белдерү өчен сүзләр җитми. Казанышларымны таныганыгыз өчен зур рәхмәт. Хәзерге вакытта махсус хәрби операция зонасында булганнарның барысы да — шулай ук каһарманнар. Ватанны саклап, алар лаеклы көрәшә. Аларга өйләренә исән-сау кайтуларын телим», — диде Баксиков.
Истәлек тактасы яшь армиячеләргә һәм авыл халкына якташларының батырлыгы турында искә төшереп торачак, диелә «Татар-информ» хәбәрендә.
Материал Елена Ахманаева катнашында әзерләнде
Кызыклы яңалыкларны күзәтеп бару өчен Телеграм-каналга язылыгыз