Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Герое контракт турында: Бурычны үтәү генә түгел, финанс хәлне дә яхшырту да
Россия Герое Иван Додосов 31 июльгә кадәр Оборона министрлыгы белән килешү имзалаганда потенциаль сугышчылар алачак хәрбиләргә арттырылган түләүләр турында үз фикерен белдерде. Бу хакта «Татар-информ» хәбәрчесе Эльза Кузнецова яза.
«Хәзер хәрбиләргә бик зур суммалар түлиләр. Яңа килгәннәргә дә, күптән хезмәт итүчеләргә дә. Мин моны барып үз бурычыңны үтәү өчен генә түгел, ә финанс якны яхшырту өчен бик яхшы акчалар һәм мотивация дип уйлыйм. Әгәр ул үзен гражданлык өлкәсендә таба алмаган икән, хәрби хезмәткә китә дә, акча эшли», – дип сөйли Иван Додосов.
Россия Герое ялга кайткан, кече ватанында вакытын якыннары белән уздыра, райондагы әһәмиятле чараларга бара.
Халык контракт төзеп хезмәт итүчеләргә финанс ярдәме турында белсен өчен, Питрәч районында актив агитация кампаниясе уза. Бөтен җирдә, аеруча халык күп булган урыннарда мәгълүмати плакатлар куелган, буклетлар тараталар. Нигездә, мәгълүмат тарату бурычы авыл җирлеге башлыкларына йөкләнгән, аларга балалар бакчалары, мәктәп һәм башка оешмалар хезмәткәрләре ярдәм итә.
«Беренчедән, без армиягә керергә теләүчеләр белән көн саен сөйләшүләр уздырабыз. Мобилизация вакытында кешеләр үзләре килеп, «Ватан өчен китәсе килә», дип әйтте. Хәтта иртәнге җидедә мине авыл советы янында көтеп торып, минем белән военкоматка китүчеләр дә булды», – дип сөйләгән Шигали авыл җирлеге башлыгы Венер Сәлимов.
«Россия Федерациясе Оборона министрлыгыннан 195 мең сум, Татарстан Республикасыннан 1 млн 5 мең сум һәм Питрәч районыннан 300 мең сум», — дип санады Казан шәһәренең килешү буенча хәрби хезмәткә сайлап алу пункты инструкторы Константин Смолкин.
- Хәзер потенциаль хәрбиләр өчен контракт нигезендә хезмәт итү буенча тагын да яхшырак шартлар тәкъдим ителә. Татарстанда бер тапкыр 1,5 миллион сумга кадәр акча алырга була, һәр ай саен хәрбиләргә 210 мең сумнан артык акча түләнә. 2024 елның июнь-июль айларында арттырылган түләүләр алырга мөмкин.
- Махсус хәрби операция РФ Президенты Владимир Путин карары буенча 2022 елның 24 февраленнән үткәрелә. Хакимият берничә тапкыр аның куелган максатларга ирешкәнче дәвам итәчәген белдерде. Максатлар арасында Россиянең иминлеген гарантияләүче шартлар булдыру да бар.
Кызыклы яңалыкларны күзәтеп бару өчен Телеграм-каналга язылыгыз