Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия Федерациясе Федераль Җыенының Федерация Советы әгъзасы сайланды
Аны V чакырылыш ТР Дәүләт Советы депутатлары беренче утырышында билгеләделәр
(Казан, 1 октябрь, “Татар-информ”, Лилия Локманова). Бүген V чакырылыш ТР Дәүләт Советы депутатлары беренче утырышта Россия Федерациясе Федераль Җыенының Федерация Советы әгъзасы — ТР Дәүләт Советыннан вәкил вәкәләтләрен билгеләделәр.
Бу урынга Илдус Тәлгать улы Әхмәтҗанов сайланды. “Бу минем өчен бик зур дәрәҗә һәм сезнең ышанычны акларга тырышырмын”, - диде ул бу уңайдан.
Вәкил электрон яшерен тавыш бирү юлы белән сайланды. Аның кандидатурасын яклап 90 депутат тавыш бирде, 1се тавыш бирүдән тыелды.
Илдус Әхмәтҗанов1966 елның 20нче июлендә Чистайда туган.
2002 елда - Бөекбританиянең Ачык университетын (менеджер), 2004 елда Туполев ис. Казан дәүләт техник университетын тәмамлаган (инженер-конструктор).
Төрле елларда "Чистай" совхоз-техникумының ВЛКСМ комитеты сәркатибе, "Темп" (Казан) кооперативы рәисе урынбасары, "Чистай ЛТД" каршындагы "Сәүдә йорты" кибете директоры, "Универсалторг" Чистай күпләп-ваклап сату предприятиесе" ҖЧҖнең коммерция директоры булып эшләгән, "Универсалторг" идарә компаниясе" ҖЧҖ (Чистай) генераль директоры, аннары 2010 елның апреленнән Чистай районы хакимияте башлыгы булган.
Кызыклы яңалыкларны күзәтеп бару өчен Телеграм-каналга язылыгыз