Җәмгыять 3 февраль 2017 15:21

Россия ел саен 500 мең кешедә онкология ачыклана

Шуларның 100 меңе авыру ачыкланганнан соң 12 ай эчендә дөнья куя.

Скопировать ссылку

(Казан, 3 февраль, “Татар-информ”). Россия Федерациясендә рак белән ел саен 500 мең кеше авырый башлый. Шуларның 100 меңе авыру ачыкланганнан соң 1 ел эчендә дөнья куя. Бу саннарны пәнҗешәмбе көнне Халыкара яман шешкә каршы көрәш көне уңаеннан үткәрелгән матбугат конференциясендә Россия Федерациясе Сәламәтлек саклау министрлыгының онкология буенча штаттан тыш баш белгече Михаил Давыдов китергән. Бу хакта ТАСС хәбәр итә.

“Ел саен Россиядә 500 мең кеше яман шеш белән авырый башлый”, - дип белдергән ул.

Шул очракларның якынча яртысында кешенең рак белән авыруы соңгы стадиядә генә (өченче яисә дүртенче) ачыклана. Шуңа күрә пациентларның 300 меңгә якыны вафат була. “Шуларның 100 меңе рак авыруы ачыкланганнан соң 12 ай эчендә дөнья куя”, - дип өстәгән Давыдов.

#Михаил Давыдов #рак авыруы #онкология

Сәхифәләр

Россия ел саен 500 мең кешедә онкология ачыклана