Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия эчке эшләр министры коррупция очраклары аеруча күп очраган биш өлкәне атаган
Моннан тыш, Колокольцев коррупцияне кисәтү юллары һәм хокук саклаучыларның төбәк хакимиятләре белән хезмәттәшлеге турында да сөйләгән.
(Казан, 5 октябрь, «Татар-информ»). Россия эчке эшләр министры Владимир Колокольцев коррупциягә каршы көрәш Советы президиумы утырышында коррупция очраклары аеруча күп очраган өлкәләрне атаган, дип хәбәр ителә Кремль сайтында.
Министр әлеге мәгълүматларны хокук саклау органнарының бюджет акчаларын максатчан кулланмау һәм урлауга каршы көрәш алып бару эшенә багышланган докладында китергән.
Әлеге өлкәләргә төзелеш һәм юлларны тоту, дәүләт сатып алу, мәгариф, сәламәтлек, фән һәм мәдәният тармаклары керә, дип билгеләп үткән ул.
Моннан тыш, Колокольцев коррупцияне кисәтү юллары һәм хокук саклаучыларның төбәк хакимиятләре белән хезмәттәшлеге турында да сөйләгән.
Утырышта катнашучылар шулай ук коррупцияле гамәлләрдән килгән зыянны кайтарту турында, беренче чиратта, дәүләткә законсыз алынган мөлкәтне кайтару турында да сөйләшкәннәр.
Искәртеп узабыз: апрель аенда Россия Президенты Владимир Путин 2016–2017 елларга Илкүләм коррупциягә каршы көрәш планын раслаган иде.
Кызыклы яңалыкларны күзәтеп бару өчен Телеграм-каналга язылыгыз