Җәмгыять 29 март 2005 17:42

Россия Эчке эшләр министрлыгы Казандагы ветераннарын котлый

Скопировать ссылку

(Казан, 29 март, “Татар-информ”, Маһирә Миңнуллина). Республика Эчке эшләр министрлыгының матбугат үзәге хәбәр итүенчә, иртәгә Казанның “Пирамида” күңел ачу комплексында республиканың Эчке эшләр министрлыгы хезмәткәрләре һәм ветераннары өчен Россия Эчке эшләр министрлыгының генерал-майор Виктор Елисеев җитәкчелегендәге академия җыр һәм бию ансамбле чыгыш ясаячак.

Кичәдә башкарылачак яраткан җырлар - Россия Эчке эшләр министрлыгы җитәкчелегенең ветераннарга бүләге ул. Ансамбль мондый концертлар белән инде Беслан, Владикавказ, Грозный һәм Новороссийски шәһәрләрендә булырга өлгергән. Артистлар Казаннан соң Санкт-Петербургка һәм Мурманскига юл тотачак. Программа буенча алар барлыгы 18 шәһәрдә булачак. Концерт барышында эчке эшләр ораннары ветераннарыннан эчке эшләр хезмәте полковниклары Вагыйз Солтанов, Борис Ботов, Евгений Ильин, шулай ук милиция полковниклары Гали Дәүлиев һәм Эдуард Трофимов “Бөек Җиңүнең 60 еллыгында җәмәгатьчелек тануы” дигән Көмеш Йолдыз ордены белән бүләкләнәчәк.

Сәхифәләр

Россия Эчке эшләр министрлыгы Казандагы ветераннарын котлый