Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Россия дәүләт китапханәсендә хаҗ турында лекция укыдылар
Россия мөселманнары Диния нәзарәтенең мәгариф һәм фән департаменты җитәкчесе Илгизәр Дәүләтшин Россия дәүләт китапханәсенең Көнчыгыш әдәбияты үзәгенә спикер итеп чакырылды. Ул «Дөньякүләм диннәр» күргәзмәсе кысаларында «Мәккәгә хаҗ: эчтән караш» дигән лекция белән чыгыш ясады. Бу хакта Россия мөселманнары Диния нәзарәте матбугат хезмәте хәбәр итә.
Күптән түгел Илгизәр Дәүләтшин РФ мөселманнары Диния нәзарәтеннән «Хаҗ-Кәрим» хәйрия программасы буенча хаҗ кылган. Ул аудиториягә исламның изге урыннарына хаҗ кылуның әһәмияте, төп төшенчәләре һәм йолалары турында сөйләде, шәхси күзәтүләре һәм тәэсирләре белән уртаклашты. Шулай ук Согуд Гарәбстаны үсешенең икътисад, мәгариф һәм туризм өлкәсендәге заманча тенденцияләре турында сөйләде.
Лекциядән соң тыңлаучылар күпсанлы сораулар бирде һәм тематик викторинада катнашты, җиңүчеләргә «Мәдинә» нәшрият йортының китаплары һәм «Хадж российских мусульман» журналы бүләк ителде.
Искәртик, 2023 елның мартында, РФ мөселманнары Диния нәзарәте рәисенең беренче урынбасары, теология докторы Дамир Мөхетдинов һәм Россия дәүләт китапханәсе генераль директоры Вадим Дуда бергә фәнни-агарту һәм мәдәни чаралар уздыру турында фикер алышты.
Кызыклы яңалыкларны күзәтеп бару өчен Телеграм-каналга язылыгыз