Сәясәт 23 гыйнвар 2018 10:09

Россия дөньяның иң яхшы илләре рейтингындагы позициясен яңартты

Дөньядагы йогынтыга килгәндә, әлеге уңайдан Россия Кытайны артта калдырып, АКШтан соң икенче урынны били.

Скопировать ссылку

(Казан, 23 гыйнвар, «Татар-информ»). Россия дөньяның иң яхшы илләре рейтингында позициясен яңартты. Узган елда ул 27нче урынны биләсә, быел 26нчы баскычка күтәрелде, дип яза «Известия».

US News & World Report журналының бәяләмәсе тугыз пунктны үз эченә ала. Алар – туризм тармагын үстерү, инновацияләр, социаль өлкә, мәдәният, икътисади үсеш темплары, бизнеска ачык булу, гомуми тормыш дәрәҗәсе, шулай ук дөнья аренасындагы йогынты һәм тарихи мирас.

Дөньядагы йогынтыга килгәндә, әлеге уңайдан Россия Кытайны артта калдырып, АКШтан соң икенче урынны били.

Исемлеккә барлыгы 80 ил керде. Беренче урында - Швейцария. Икенче баскычта – Канада, аның артыннан Германия һәм Бөекбритания бара. Сербия (78нче), Ангола (79) һәм Алжир (80) рейтингның ахырында урнашты.

#рейтинг

Сәхифәләр

Россия дөньяның иң яхшы илләре рейтингындагы позициясен яңартты