Россия дәүләт китапханәсендә татар теле дәресләре биреләчәк
Лекцияләрне “Умарта” тел мәктәбе җитәкчесе, филология фәннәре кандидаты Лилиана Сафина укыячак.
Скопировать ссылку
(Казан, 3 февраль, “Татар-информ”). 11-22 февраль көннәрендә Мәскәүдәге Россия дәүләт китапханәсендә “Татар теленә кереш” курсы эшләячәк. Бу хакта Россия Федерациясендә Татарстан Республикасының Тулы вәкаләтле вәкиллеге хәбәр итә.
Курска йөрүчеләр өчен көн саен 2 академик сәгать дәвамында барлыгы 10 лекция тәкъдим ителә. Лекцияләрне “Умарта” тел мәктәбе җитәкчесе, филология фәннәре кандидаты Лилиана Сафина укыячак.
Керү ˗ ирекле, диелә хәбәрдә.