Россия буенча Дәүләт Думасына сайлауда катнашу 40 проценттан артып китте
IX чакырылыш Россия Федерациясе Федераль Җыены Дәүләт Думасына сайлауда катнашу Мәскәү вакыты белән 18.30 да 40,07 процентка җитте. Бу хакта Россия Үзәк сайлау комиссиясе сайтында хәбәр ителә.
«Федераль округ буенча тавыш бирү барышы – 40,07 процент», – диелгән Үзәк сайлау комиссиясе матбугат хезмәте хәбәрендә.
IX чакырылыш РФ Федераль Җыены Дәүләт Думасы депутатларын сайлау һәм алар белән берләштерелгән кампанияләр 18 сентябрьдә башланып китте. Ил буенча барлыгы 20,7 мең депутат мандатын һәм сайланулы вазифаларны алмаштыру күздә тотыла.
Тавыш бирү өч көн дәвам итәчәк – 20 сентябрьгә кадәр. Республиканың барлык территориясендә сайлау участоклары 8.00 дән 20.00 сәгатькә кадәр ачык. Татарстанда килүчеләр саны 15.00 сәгатькә 50 проценттан артып киткән.