Россельхознадзор: Татарстанда ветеринария документларының 99 проценты электрон форматта
Республикада көн саен 50 меңгә якын документ электрон ысул белән теркәлә, диде ветеринария контроле бүлеге мөдире.
Скопировать ссылку
(Казан, 20 июнь, "Татар-информ", Лилия Локманова). Татарстанда ветеринария документларының 99 проценты электрон форматта. Бу хакта бүген "Татар-информ" мәгълүмат агентлыгы уздырган матбугат конференциясендә ТР буенча Россельхознадзор күзәтү идарәсенең Россия Федерациясе Дәүләт чигендә чик буе һәм транспортта ветеринария контроле бүлеге мөдире Илшат Мөхәммәтшин әйтте.
"Меркурий" системасын куллана башлаганнан бирле, Татарстанда 12 миллионнан артык электрон сертификат тапшырылган.
- Бу системага күчү процессы Татарстанда 2015 елда башланган иде.
"Республикада көн саен 50 меңгә якын документ теркәлә. Хәзергә бирелгән сертификатларның 99 процентын электрон документлар тәшкил итә", - диде Илшат Мөхәммәтшин.