Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзор туристларны Польшада кош гриппы булуы турында кисәтә
Ведомствода инфекцияне профилактикалау чараларын үтәргә кирәклеген әйттеләр.
(Казан, 8 гыйнвар, «Татар-информ»). Кулланучылар хокукларын яклау һәм кеше иминлеге өлкәсендә күзәтчелек федераль хезмәте Россия туристларын Польшада кош гриппы башланганлыгы турында кисәтә.
Польшаның Люблин воеводалыгындагы фермаларның берсендә кош гриппы А (H5N8) килеп чыккан. 7 гыйнварга Люблин воеводалыгында — биш, ә Великопольскида бер инфекция очрагы теркәлгән.
Моның белән бәйле рәвештә, Роспотребнадзор игътибарны Польшада булганда кош гриппын кисәтү чараларын үтәргә кирәклегенә юнәлтте.
«Рөхсәт ителмәгән сәүдә урыннарында кош ите һәм йомырка сатып алырга киңәш ителми», — диделәр ведомствода.
Моннан тыш, шәхси гигиена чараларын үтәргә кирәк, бигрәк тә чи ит продукциясе белән контактта булганда. Ә йорт кош-корты продуктларын тиешле җылылык белән эшкәрткәннән соң гына кулланырга киңәш ителә.
Кызыклы яңалыкларны күзәтеп бару өчен Телеграм-каналга язылыгыз