Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзор: Татарстанның биш пляжында су коенырга ярамый
Казанда дүрт һәм Яшел Үзәндә бер пляж коену өчен яраксыз, биредә су санитар-гигиена таләпләренә туры килми.
(Казан, 19 июль, «Татар-информ»). Татарстанның биш пляжы — Казанда дүрт һәм Яшел Үзәндә бер пляж коену өчен яраксыз дип табылды, чөнки биредә су санитар-гигиена таләпләренә туры килми. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе әнә шундый мәгълүматлар белән бүлеште.
15 июльгә булган мәгълүматларга караганда, санитар-химик күрсәткечләр буенча Зур Аккош күлендә алынган су үрнәкләре канәгатьләнмәслек нәтиҗә күрсәткән. Микробиология буенча «Түбән Заречье», «Локомотив» һәм «Комсомол» пляжлары тикшерүне уза алмаган. Яшел Үзәндә шәһәр пляжындагы су ике күрсәткечкә дә туры килми.
Калган критерийлар буенча Татарстан пляжларында тискәре күрсәткечләр ачыкланмаган.
«Су объектларында суның сыйфаты гигиена нормаларына туры килмәгәндә идарә аларда су коенырга киңәш итми», — дип искәрттеләрведомство матбугат хезмәтендә.
Моннан тыш, Роспотребнадзор район хакимиятләренә һәм җаваплы юридик затларга махсус аншлаглар урнаштыру турында тәкъдим юллады.
Кызыклы яңалыкларны күзәтеп бару өчен Телеграм-каналга язылыгыз