Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Роспотребнадзор рестораторларның төнге эшкә булган үтенечен кире какты
Авырулар санын тотрыклыландыру һәм киметү тенденциясе нык булганда тәкъдимнәр каралачагын әйттеләр.
(Казан, 16 ноябрь, «Татар-информ»). Казан рестораторлары ассоциациясе Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсенә җәмәгать туклануы өлкәсендә Covid-чикләүләрне йомшарту һәм 23:00 сәгатьтән соң эшләргә рөхсәт итү үтенече белән мөрәҗәгать итте. Алар эшләүче персоналның Covid-19дан прививка алганлыкларын һәм килүчеләрнең шулай ук керү өчен QR-код тәкъдим итүләрен җиткерде.
«Кулланучы хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсенә шундый мөрәҗәгать килде», – дип расладылар ведомствоның матбугат хезмәтендә «Татар-информ» хәбәрчесенә.
Башкалар арасында: төнге эшкә рөхсәт алган кафе һәм рестораннарга 23:00 сәгатьтән соң эшләргә рөхсәт итү, бу рөхсәтләрне бирүне барлык хезмәткәрләре вакцинацияләнгән очракта яңадан бирә башларга рөхсәт итү тәкъдимнәре бар. Шулай ук ассоциация барлык кафе һәм рестораннар өчен 23:00 дән 01:00сәгатькә кадәр эш режимын озайтуны сорады.
«Хәзерге вакытта агымдагы вазгыять чикләүләрне бетерергә мөмкинлек бирми. Авырулар санын тотрыклыландыру һәм киметү тенденциясе нык булганда, тәкъдимнәр каралачак», - дип җавап бирделәр Роспотребнадзорда.
Исегезгә төшерәбез, 11 октябрьдән Татарстан территориясендә яңа Covid-чикләүләр эшли башлады, күп кенә биналарга QR-кодсыз керү мөмкинлеген чикләделәр. Ә 21 октябрьдә Казанда Wheretoeat ресторан премиясен бүләкләү тантанасы узды. Агентлыкның үз чыганакларыннан билгеле булганча, премияне оештыручыларга рестораторлар тарафыннан Covid-чикләүләр үтәлмәве турында беркетмәләр төзелгән.
Кызыклы яңалыкларны күзәтеп бару өчен Телеграм-каналга язылыгыз