Җәмгыять 21 июнь 2010 13:27

Роспотребнадзор кушканны Зәйдә яхшы тыңлаганнар

Моннан ун көн элек начар хәлдә булган “Зәй-2” коену урыны тәртипкә китерелгән

Скопировать ссылку

(Зәй, 21 июнь, “Татар-информ”, Роза Исмәгыйлова). Зәйдәге “Зәй-2” коену урынындагы тәртипсезлекләрне, пычраклыкларны күреп, Роспотребнадзор белгечләре ун көн эчендә биредәге җирләрне тәртипкә китерергә кушканнар иде. Зәйлеләр алар кушканны яхшылап тыңлаган булып чыкты, төгәлсезлекләр билгеләнгән вакытка юк ителде, дип хәбәр итә “Новый Зай” газетасы хәбәрчеләре.
Су астында йөзүчеләр су төбен металл әйберләреннән, ватык пыяла кисәкләреннән һәм чүп-чардан арындырды. Шулай ук яр буйлары да каты көнкүреш калдыкларыннан арындырылды, алар өчен махсус чүп әрҗәләре куелды, бәдрәф ясалды, ял итү урындыклары урнаштырылды. Хәзерге вакытта чишенү-киенү шартларын гына җайлыйсы бар. Бу төзекләндерү эшләренең барысын да “Инвестстройсервис” җәмгыяте башкарды.
Әлегә бу урында барыбер дә коенырга тыела. Чөнки суның анализ күрсәткечләре тиешле нормада түгел.

Сәхифәләр

Роспотребнадзор кушканны Зәйдә яхшы тыңлаганнар