Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Роспотребнадзор Казанда 4 кеше агуланган кафены эшләүдән туктатты
Казанда «Исфара» кафесы эше туктатылган, анда дүрт кеше агуланган. Аларда эчәк инфекциясе расланды. Бу хакта Россия Кулланучылар күзәтчелегенең Татарстан буенча идарәсе матбугат хезмәтендә белдерделәр.
Республиканың санитар табиблары С.Хамдидиновка карата эпидемиологик тикшеренү уздырган.
«Тикшерү барышында халыкның туклануын оештыруга карата санитар-эпидемиологик таләпләрне тупас бозу, шул исәптән махсус цехлар булмау, биналарда тараканнар булу, ашханәдә һәм аш әзерләү бүлмәсендә савыт-сабаны эшкәртү тәртибен бозу ачыкланды, бу лаборатория тикшеренүләренең нәтиҗәләре белән раслана. Өстәлдә, инвентарь, савыт-саба, санитар кием-салымда, пешекчеләрнең кулларында эчәк таякчыгы төркеменең бактерияләре табылды», - дип билгеләп үттеләр ведомствоның матбугат хезмәтендә.
Шулай ук кафеда товар күршелеге, әзер ризыкларны сату сроклары үтәлмәгән, ә оешма хезмәткәрләре медосмотр узмаган.
Шәхси эшмәкәргә административ хокук бозу һәм эшчәнлеген вакытлыча тыю турында беркетмәләр төзелде. Хәзер Даурия урамындагы 38 йорттагы кафе ябылган.
Суд үз чиратында кафе эшчәнлеген 90 тәүлеккә тыю турында карар кабул итте.
Кызыклы яңалыкларны күзәтеп бару өчен Телеграм-каналга язылыгыз