Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Роспотребнадзор: Балалар COVID-19 белән ешрак авырый башлады
Балалар коронавирус инфекциясе белән ешрак авырый башлады, әмма авыру еш кына симптомсыз яки сулыш юлларында вируслы кискен инфекция буларак уза. «Омикрон» вакытында элек шактый еш очраган мультиялкынсыну синдромы очраклары да күзәтелми. Бу хакта РИА Новости хәбәр итә.
«Балаларда авыру сулыш юлларында кискен инфекция буларак яки симптомсыз уза. Без балаларга карата тагын бер уңай мизгелне сиздек - «омикрон» булганда әлегә безнең клиникада мультиялкынсыну синдромының бер генә очрагы да теркәлмәгән, элек ул еш күзәтелә иде», - диде Россия Фәннәр академиясе академигы, Роспотребнадзорның Эпидемиология үзәк фәнни тикшеренү институты директорының фәнни эш буенча урынбасары Александр Горелов.
Ул ачыклаганча, 2020-2021 елларда балалар өлешенә коронавирус белән авыручыларның 10-11 процент чамасы туры килсә, хәзер бу күрсәткеч 18 процент чамасы тәшкил итә.
Шул ук вакытта ковид белән авырганнан соңгы синдром балаларда элеккеге кебек үк еш очрый, диде Горелов. Аның сүзләренчә, COVID-19 белән авырган балаларның якынча 30 процентында бер-ике симптом кала, беренче планга хәзер когнитив тайпылышлар, шул исәптән хәлсезлек, игътибар кимү һәм таркаулыктан зарлану чыга, диелә хәбәрдә.
Яңалыкларны күзәтеп бару өчен Макс-каналга язылыгыз