news_header_top
16+
news_header_bot
news_top

Роспотребнадзор Бөекбританиядә Е гепатитының "кабынуы" турында кисәтә

Меңләгән инглиз кешесе Е (HEV) гептитын йоктырган булырга мөмкин.

(Казан, 4 сентябрь, “Татар-информ”). Кулланучылар хокукларын яклау һәм кеше иминлеге өлкәсендә күзәтчелек (Роспотребнадзор) федераль хезмәте Бөекбританиядә Е гепатиты белән авыручылар саны арту хакында кисәтү белән чыкты. Бу хакта “Известия” язып чыкты.
 
Идарә тармагы матбугат хезмәтенә сылтама белән җиткерелгән хәбәрдән аңлашылганча, меңләгән инглиз кешесе Е (HEV) гептитын йоктырган булырга мөмкин икән инде. Ул Бөекбританиягә башка илләрдән кертелгән дуңгыз итеннән булган азык-төлектә ачыкланган. Белгечләр уйлавынча, моңа дуңгызларны асрау һәм ашату белән бәйле кагыйдәләрнең бозылуы сәбәпче булырга мөмкин.
 
Шул уңайдан Роспотребнадзор территориаль бүлекләренә әйләнештә булган әлеге төр азык-төлеккә карата контрольне көчәйтергә боерган.

news_right_1
news_right_2
news_bot