Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Рособрнадзор рус теле һәм җәмгыять белеме буенча төп дәүләт имтиханын бәяләүне үзгәртте
Рособрнадзорда төп дәүләт имтиханының контроль үлчәү материаллары структурасында һәм эчтәлегендә үзгәрешләр турында хәбәр иттеләр. Рус теле буенча төп дәүләт имтиханында максималь балл саны 37 дән 38 гә кадәр арттырылды. Ведомство мәгълүматлары буенча, аерым төзәтмәләр таяныч текст нигезендә инша-фикер язуны таләп итүче биремнәргә кагылган, дип хәбәр иттеләр Рособрнадзорда.
Рус теленнән йомгаклау әңгәмәсе форматы да үзгәрәчәк. Биремнәрнең гомуми саны дүрттән өчкә кадәр кимиячәк, максималь балл 20 дән 17 гә кадәр кимиячәк. Имтихан бирүчеләр белән тормыш темаларына әңгәмә урынына бирелгән текст буенча әңгәмә уздырачаклар, әзерлек вакыты арттырылды.
Җәмгыять белеме буенча имтиханда хәзер 20 бирем булачак, тарих буенча бердәм дәүләт имтиханыннан югары катлаулылык дәрәҗәсендәге бер сынау алынды. Бу фәннәр буенча беренчел максималь балл 37 дән 32 гә кадәр кимиячәк. Рособрнадзор вәкилләре сүзләренчә, үзгәрешләр яңа дәүләт дәреслекләре белән синхронлаштыруга юнәлдерелгән.
Биология, география, чит телләр, информатика, әдәбият, математика, физика һәм химия буенча контроль үлчәү материаллары үзгәрешсез калды.
Яңалыкларны күзәтеп бару өчен Макс-каналга язылыгыз