Фән һәм мәгариф 27 ноябрь 2017 13:47

Рособрнадзор БДИ җавапларын интернетка урнаштырган затларны ачыкларга өйрәнгән

Шул ук вакытта, ведомствода яңа технологиянең нечкәлекләрен һәм эш принципларын ачудан баш тарталар.

Скопировать ссылку

(Казан, 27 ноябрь, «Татар-информ»). Рособрнадзор БДИ җавапларын интернетта оператив төстә урнаштыруда гаепле конкрет укучыны билгеләргә мөмкинлек бирә торган технология эшләгән. Бу хакта ведомстводагы чыганакка сылтама ясап «Известия» хәбәр итә.

Ведомство раславынча, интернетта еш кына «ялган» җаваплар пәйда була. Экспертлар белдергәнчә, мәктәп укучыларына БДИ җавапларын интернетта урнаштырган өчен аларның имтихан нәтиҗәләре гамәлдән чыгарылачагын аңлатырга кирәк.

«Контроль-үлчәм материалларын эшләү һәм формалаштыру технологиясе әлеге материаллар җибәрелгән төбәкне, имтихан үткәрү пунктын, хәтта БДИда катнашучы конкрет укучыны да оператив төстә ачыкларга мөмкинлек бирә», - дип белдерәләр Рособрнадзор идарәсендә.

Шул ук вакытта, ведомствода яңа технологиянең нечкәлекләрен һәм эш принципларын ачудан баш тарталар.

#БДИ #Рособрнадзор

Сәхифәләр

Рособрнадзор БДИ җавапларын интернетка урнаштырган затларны ачыкларга өйрәнгән