Җәмгыять 5 ноябрь 2019 12:37

Росконтроль белгечләре дөгедә мышьяк тапкан

Экспертлар түгәрәк дөге җитештерә торган биш брендны тикшергән.

Скопировать ссылку

(Казан, 5 ноябрь, “Татар-информ”). “Росконтроль” Бөтенроссия кулланучылар союзы экспертлары түгәрәк дөге җитештерә торган биш брендны тикшергән һәм аларның өчесендә мышьяк тапкан. Бу хакта оешманың матбугат хезмәтендә хәбәр иттеләр.

"Шебекинский", "Националь" и Fine life брендлары җитештергән дөге турында сүз бара. Рөхсәт ителгән күләм артып китмәгән, әмма ачыклау алымының җитешсезлеген исәпкә алганда, артып китү булырга мөмкин”, - диде белгечләр.

Дөге ярмасында пестицидлар бөтенләй булмаган, яки бары тик рөхсәт ителгән күләмдә генә булган. Тикшерелгән үрнәкләрдә күгәрек гөмбәсе булуын күрсәтә торган микотоксин – афлатоксин В1 да табылмаган.

Тулаем алганда, әлеге биш бренд дөге дә органолептик күрсәткечләр һәм куркынычсызлык таләпләре нормасына туры килә. Әмма “Шебекинский” дөгесендә стандартлар белән чагыштырганда вакланган бөртекләрнең күләме 15 процентка артык булган. Ә беренче категорияле дөге өчен норма – 9 процент. Моннан тыш, аның дымлылык күрсәткече дә ГОСТ рөхсәт иткән күрсәткечләр чигендә булган.

Нәтиҗәдә Росконтроль “Ашан”, “Националь”, “Агро-Альянс”, Fine life маркалы дөгеләрне сатып алырга киңәш итә. “Шебекинский” бренды дөгесе кисәтүләр ясалган товарлар исемлегенә кертелде, чөнки маркировкада күрсәтелгән беренче сортка туры килми”, - диделәр союзда. Аны сатып алу кулланучылар иркендә кала дип тә әйттеләр.

#росконтроль #дөге

Сәхифәләр

Росконтроль белгечләре дөгедә мышьяк тапкан