Җәмгыять 8 октябрь 2024 19:31

Роскомнадзор: Discord Россия территориясендә блокировкаланды

Скопировать ссылку

Элемтә, мәгълүмат технологияләре һәм массакүләм коммуникацияләр өлкәсендә күзәтчелек буенча федераль хезмәт (Роскомнадзор) Discord мессенджерын Россия территориясендә блокировкалады, ул РФ законнары таләпләрен бозган. Бу хакта ведомство матбугат хезмәтендә белдерделәр, дип хәбәр итә ТАСС.

Роскомнадзорда ачыклык кертүләренчә, сүз «мессенджерны террорчылык һәм экстремистик максатларда куллануны, гражданнарны аларны башкару, наркотиклар сату өчен вербовкалауны булдырмау» нормаларын үтәү, шулай ук платформада хокукка каршы мәгълүмат урнаштыру турында бара.

Россия кулланучылары бүген иртәдән үк Discord эшендә өзеклеккә зарланды. Башта мессенджер белән проблемалар турында Ерак Көнчыгыш халкы хәбәр итте.

27 сентябрьдә үк «Коммерсанть» газетасы Discord Россиядә блокировкаланырга мөмкин дип язды. Моңа кадәр Роскомнадзор мессенджерның законнарны бозуы турында биш яңа карар чыгарды, дип яза «Татар-информ».

Discord - төрле бергәлекләр тарафыннан мәнфәгатьләр буенча файдалану өчен билгеләнгән видеоконференцияләр ярдәмендә хәбәрләр алмашу системасы. Мессенджер геймерлар һәм укучылар арасында аеруча популяр. Аны шулай ук криптоиндустрия вәкилләре дә куллана.

Сәхифәләр

Роскомнадзор: Discord Россия территориясендә блокировкаланды